Fréttir

3. - 7. október verður foreldravika í skólanum þar sem foreldrum og forráðamönnum er boðið að koma í tíma með sínu barni og ræða námið við kennarann framvindu og markmið. Vonandi sjáum við sem flesta því að við vitum hversu mikilvægt er fyrir nemandann að stuðningur sé við námið heima fyrir. Bestu kveðjur TH

Tónlistarskólinn í samstarfi við miðjuna, þekkingarnet þingeyinga og félagsþjónustu þingeyinga bjóða nú í haust upp á tónlistarnám fyrir einstaklinga með sértækar stuðningþarfir. Með þessu vill tónlistarskólinn koma til móts við þessa einstaklinga og að allir njóti sömu réttinda og komi í skólann til okkar í tónlistarnám.

Félag kennara og stjórnenda í tónlistarskólum, FÍH, STS og LHÍ stóðu fyrir ráðstefnu í Hörpu 8.og 9.sept og sótti hluti kennara TH hana. Flott ráðstefna og frábær grundvöllur fyrir kennara og stjórnendur tónlistarskóla landsins að hittast og stilla saman strengi.

Við fengum frábæra heimsókn í dag á sal en það voru þær systur Sigga, Beta og Elín Eyþórsdætur. Þær systur ásamt Eyþóri bróðir þeirra og Kidda trommara eru á tónleikaferðalagi um landið og voru á Gamla Bauk með fráæra tónleika í gær. Þær voru svo yndislegar að koma við hér í skólanum áður en þær héldu lengra og spiluðu og sungu fyrir alla nemendur skólans, eins var streymt frá heimsókninni í Lundi og á Raufarhöfn. Við þökkum þeim kærlega fyrir komuna. Skólastjóri