Innheimta skólagjalda

Nýtt innheimtuferli skólagjalda Tónlistarskóla Húsavíkur

Frá og með haustinu 2019 munu skólagjöld tónlistarskólans fara í gegnum greiðslumiðlunina Nora og því er nú hægt að nota frístundastyrk Norðurþings til að greiða niður skólagjöldin. Forráðamenn fara því inn í á Nora-síðu Norðurþings og geta þar valið greiðslumáta skólagjaldanna. Búið er að senda skólagjöldin til greiðslu og biðjum við foreldra um fara inn í greiðslusíðu Nora og ganga frá greiðslu skólagjalda fyrir haustönn.

Upplýsingar um NORI greiðslukerfi  er á  heimasíðu Norðurþings og skráir fólk sig inn í kerfið hér https://nordurthing.felog.is/ Það þarf að nota rafræn skilríki eða Íslykil til að skrá sig inn í kerfið.

  • Þegar inn í kerfið er komið sést nafn forráðamanns og nemanda/nemenda á hans framfæri.  
  • Ef smellt er á bláa hnappinn við nafn forráðamanns sem á stendur „STILLINGAR“ opnast gluggi með upplýsingum sem hægt er að breyta eða bæta við. 
  • Ef smellt er á textann „SKRÁNING Í BOÐI“ lengst til hægri í línunni með nafni nemanda, opnast möguleiki á að „GREIÐA NÁMSKEIГ 
  • Þegar smellt er á „GREIÐA NÁMSKEIГ sést upphæð skólagjaldsins. Þarna er hægt að velja að nota frístundastyrkinn, greiðslumáta (Greiðsluseðill (reikningur í banka) eða Kreditkort) og fjölda greiðslna (ein, tvær eða þrjár).  

Ekki hika við að koma í heimsókn eða hafa samband við okkur á skrifstofunni ef ykkur vantar aðstoð eða þið hafið spurningar varðandi þetta. Skólagjöld vorannar fara einnig inn í greiðslukerfið NORI; verður þá komið nýtt ár með frístundastyrk sem greiðendur skólagjalda geta notað upp í greiðsluna á vorönn. 

Ef einhverjar spurningar vakna þá hafið samband á skrifstofu Tónlistarskóla Húsavíkur í síma 464-7290 eða á netfangið ritari@tonhus.is.

Gjaldskrá skólans